Subscribe to our newsletter and get our newest updates

Imran Rahib

  • Ghazal


shaal chhoTi hi sahi rakh lo baDi Thik nahin


shaal chhoTī hī sahī rakh lo baḌī Thiik nahīñ
tum pe nikhregī bahut ghar meñ paḌī Thiik nahīñ

maiñ ne pūchhā hai ki chaa.e ke liye vaqt koī
hañs ke bolī hai ishāre se ghaḌī Thiik nahīñ

ik tamāshā hai vo merī hai nahīñ merī hai
ye jo khiḌkī meñ hai doshīza khaḌī Thiik nahīñ

is mohalle meñ agar saañp Dase behtar hai
log kahte haiñ yahāñ aañkh laḌī Thiik nahīñ

jab bhī maktab meñ mujhe maar paḌe vo bole
ab to resham ho ye shīsham kī chhaḌī Thiik nahīñ

aisī bārish ho to 'rāhib' mujhe Dar lagtā hai
vo bhī bārish meñ ye kahtī thī jhaḌī Thiik nahīñ

shaal chhoTi hi sahi rakh lo baDi Thik nahin
tum pe nikhregi bahut ghar mein paDi Thik nahin

main ne puchha hai ki chae ke liye waqt koi
hans ke boli hai ishaare se ghaDi Thik nahin

ek tamasha hai wo meri hai nahin meri hai
ye jo khiDki mein hai doshiza khaDi Thik nahin

is mohalle mein agar sanp Dase behtar hai
log kahte hain yahan aankh laDi Thik nahin

jab bhi maktab mein mujhe mar paDe wo bole
ab to resham ho ye shisham ki chhaDi Thik nahin

aisi barish ho to 'rahib' mujhe Dar lagta hai
wo bhi barish mein ye kahti thi jhaDi Thik nahin


Source: Rooh-e-Ghazal,Pachas Sala Intekhab

Leave a comment

+