Subscribe to our newsletter and get our newest updates

Mahshar Badayuni

  • Ghazal


wo haal hai ki talash-e-najat ki jae


vo haal hai ki talāsh-e-najāt kī jaa.e
kisī faqīr-e-duā-go se baat kī jaa.e

ye shahr kaisā ḳhush-auqāt thā aur ab kyā hai
jo din bhī nikle to vahshat na raat kī jaa.e

koī to shakl-e-gumāñ ho koī to hīla-e-ḳhair
kisī tarah to basar ab hayāt kī jaa.e

gharoñ meñ vaqt-guzārī kā ab hai shuġhl hī kyā
yahī ki guftugū-e-hādsāt kī jaa.e

agar yahī hai ab īfā-e-ahd meñ pas-o-pesh
to ḳhatm rasm-o-rah-e-iltifāt kī jaa.e

husūl-e-fat.h ġharaz ho to kyā bajā hai ye taur
tabāh us ke liye kā.enāt kī jaa.e

muhāl hī meñ kuchh āsūdgī bahāl kareñ
kahāñ tak ārzū-e-mumkināt kī jaa.e

kuchh aise bhī haiñ tahī-dast o be-navā jin se
milā.eñ haath to ḳhushbū na haat kī jaa.e

wo haal hai ki talash-e-najat ki jae
kisi faqir-e-dua-go se baat ki jae

ye shahr kaisa KHush-auqat tha aur ab kya hai
jo din bhi nikle to wahshat na raat ki jae

koi to shakl-e-guman ho koi to hila-e-KHair
kisi tarah to basar ab hayat ki jae

gharon mein waqt-guzari ka ab hai shughl hi kya
yahi ki guftugu-e-hadsat ki jae

agar yahi hai ab ifa-e-ahd mein pas-o-pesh
to KHatm rasm-o-rah-e-iltifat ki jae

husul-e-fath gharaz ho to kya baja hai ye taur
tabah us ke liye kaenat ki jae

muhaal hi mein kuchh aasudgi bahaal karen
kahan tak aarzu-e-mumkinat ki jae

kuchh aise bhi hain tahi-dast o be-nawa jin se
milaen hath to KHushbu na hat ki jae

Videos
This video is playing from YouTube Videos
This video is playing from YouTube Mahshar Badayuni Mahshar Badayuni

Source: Book : Kulliyat-e-Mahshar Badayuni (Pg. 719)

Leave a comment

+