Subscribe to our newsletter and get our newest updates

Ezaz Ahmad Azar

  • Ghazal


in ujDi bastiyon ka koi to nishan rahe


in ujḌī bastiyoñ kā koī to nishāñ rahe
chūlhe jaleñ ki ghar hī jaleñ par dhuāñ rahe

nero ne bañsrī kī na.ī taan chheḌ dī
ab rome kā nasīb faqat dāstāñ rahe

paanī samundaroñ kā na chhalnī se māpiye
aisā na ho ki saarā kiyā rā.egāñ rahe

mujh ko supurd-e-ḳhāk karo is duā ke saath
āñgan meñ phuul khilte raheñ aur makāñ rahe

kaaTī hai umr raat kī pahnā.iyoñ ke saath
ham shahr-e-be-charāġh meñ ai be-kasāñ rahe

'āzar' har ek gaam pe kaaTā hai sañg-e-jabr
hāthoñ meñ tesha sāmne koh-e-girāñ rahe

in ujDi bastiyon ka koi to nishan rahe
chulhe jalen ki ghar hi jalen par dhuan rahe

nero ne bansri ki nai tan chheD di
ab rome ka nasib faqat dastan rahe

pani samundaron ka na chhalni se mapiye
aisa na ho ki sara kiya raegan rahe

mujh ko supurd-e-KHak karo is dua ke sath
aangan mein phul khilte rahen aur makan rahe

kaTi hai umr raat ki pahnaiyon ke sath
hum shahr-e-be-charagh mein ai be-kasan rahe

'azar' har ek gam pe kaTa hai sang-e-jabr
hathon mein tesha samne koh-e-giran rahe


Leave a comment

+