Subscribe to our newsletter and get our newest updates

Baqar Mehdi

  • Ghazal


mahfilon mein ja ke ghabraya kiye


mahfiloñ meñ jā ke ghabrāyā kiye
dil ko apne laakh samjhāyā kiye

yaas kī gahrā.iyoñ meñ Duub kar
zaḳhm-e-dil se ḳhud ko bahlāyā kiye

tishnagī meñ yaas o hasrat ke charāġh
ġham-kade meñ apne jal jaayā kiye

ḳhud-farebī kā ye aalam thā ki ham
ā.īna duniyā ko dikhlāyā kiye

ḳhūn-e-dil unvān-e-hastī ban gayā
ham to apne saaz par gaayā kiye

mahfilon mein ja ke ghabraya kiye
dil ko apne lakh samjhaya kiye

yas ki gahraiyon mein Dub kar
zaKHm-e-dil se KHud ko bahlaya kiye

tishnagi mein yas o hasrat ke charagh
gham-kade mein apne jal jaya kiye

KHud-farebi ka ye aalam tha ki hum
aaina duniya ko dikhlaya kiye

KHun-e-dil unwan-e-hasti ban gaya
hum to apne saz par gaya kiye

RECITATIONS Nomaan Shauque



00:00/00:00 mahfilon mein ja ke ghabraya kiye Nomaan Shauque

Source: Rooh-e-Ghazal,Pachas Sala Intekhab

Leave a comment

+