Subscribe to our newsletter and get our newest updates

Mahmood Shaam

  • Ghazal


le uDa aise tera dhyan mujhe


le uḌā aise tirā dhyān mujhe
tū bhī lagtī hai ab anjān mujhe

har sadā terī sadā lagtī hai
kyā batāte haiñ mire kaan mujhe

ret kā Dher banā de na kahīñ
dhuup meñ taptā bayābān mujhe

sansanāte haiñ dar-o-bām-e-ḳhayāl
kar gayā kaun ye vīrān mujhe

maiñ ne pahchān liyā hai tujh ko
ab na kar muft pareshān mujhe

rach ga.ī jis meñ tire dard kī dhuup
maiñ vahī 'shām' huuñ pahchān mujhe

le uDa aise tera dhyan mujhe
tu bhi lagti hai ab anjaan mujhe

har sada teri sada lagti hai
kya batate hain mere kan mujhe

ret ka Dher bana de na kahin
dhup mein tapta bayaban mujhe

sansanate hain dar-o-baam-e-KHayal
kar gaya kaun ye viran mujhe

main ne pahchan liya hai tujh ko
ab na kar muft pareshan mujhe

rach gai jis mein tere dard ki dhup
main wahi 'sham' hun pahchan mujhe


Source: Book : Harf Harf Khowab (Pg. 67) Author : asi ramnagari Publication : Nasim Pathara Po. Moghalsarai (Varansi) (1992) Edition : 1992

Leave a comment

+