Subscribe to our newsletter and get our newest updates

Vishal Khullar

  • Ghazal


us ek shaKHs ka koi pata nahin milta


us ek shaḳhs kā koī pata nahīñ miltā
ki us ke ba.ad to kuchh bhī nayā nahīñ miltā

vo aa.ine se bhī nazreñ churā rahā hogā
ki us kā ruup hī us se zarā nahīñ miltā

vo dhuup chhāñv kare kahkashāñ bahār kare
vo arz-o-tūl ke andar bañdhā nahīñ miltā

vo jism ruuh ḳhalā āsmān hai kyā hai
ki rañg koī ho us se judā nahīñ miltā

kabhī kabhī hī ḳhazāne nasīb hote haiñ
banā banāyā huā sab sadā nahīñ miltā

banā to rakkhā hai munsif ko apnā pahre-dār
vo apne jurm se lekin rihā nahīñ miltā

ai kā.enāt zarā muTThiyāñ to khol kabhī
pata jo rakhtā ho mālik tirā nahīñ miltā

us ek shaKHs ka koi pata nahin milta
ki us ke baad to kuchh bhi naya nahin milta

wo aaine se bhi nazren chura raha hoga
ki us ka rup hi us se zara nahin milta

wo dhup chhanw kare kahkashan bahaar kare
wo arz-o-tul ke andar bandha nahin milta

wo jism ruh KHala aasman hai kya hai
ki rang koi ho us se juda nahin milta

kabhi kabhi hi KHazane nasib hote hain
bana banaya hua sab sada nahin milta

bana to rakkha hai munsif ko apna pahre-dar
wo apne jurm se lekin riha nahin milta

ai kaenat zara muTThiyan to khol kabhi
pata jo rakhta ho malik tera nahin milta


Source: Book : Intekhab Kalam (Pg. 78)

Leave a comment

+