jā na tū hasrat-e-dīdār abhī baaqī hai
ik ramaq mujh meñ dam-e-yār abhī baaqī hai

kyuuñ na dekhūñ unheñ nazroñ se ḳharīdār kī maiñ
husn kī garmī-e-bāzār abhī baaqī hai

sab hue hasrat-o-armāñ to shab-e-ġham meñ shahīd
rah gayā ik ye gunahgār abhī baaqī hai

mil ke bhī mujh se khaTakte rahe har baat pe vo
ḳhaar niklā ḳhalish-e-ḳhār abhī baaqī hai

uTh ke 'tanvīr' ke pahlū se na jaanā ghar ko
dopahar raat sitamgār abhī baaqī hai

ja na tu hasrat-e-didar abhi baqi hai
ek ramaq mujh mein dam-e-yar abhi baqi hai

kyun na dekhun unhen nazron se KHaridar ki main
husn ki garmi-e-bazar abhi baqi hai

sab hue hasrat-o-arman to shab-e-gham mein shahid
rah gaya ek ye gunahgar abhi baqi hai

mil ke bhi mujh se khaTakte rahe har baat pe wo
KHar nikla KHalish-e-KHar abhi baqi hai

uTh ke 'tanwir' ke pahlu se na jaana ghar ko
dopahar raat sitamgar abhi baqi hai