ātish-e-fikr badan ghultā ho paiham jaise
kisī nāgin ne kahīñ chāTī ho shabnam jaise

bas isī moḌ se kuchh aage hai manzil apnī
hādse maut nishān-e-rah-e-pur-ḳham jaise

barf-ālūda guloñ par ye chamaktī kirneñ
un kī hañstī huī āñkheñ huiiñ pur-nam jaise

mausam-e-gul meñ ye pattoñ ke khaḌakne kī sadā
nafas-e-umr kī āvāz ho maddham jaise

zaḳhm-e-dil roz kuredo to ho lazzat afzūñ
ik mudāvā hai ġham-e-yār ho marham jaise

os meñ Duube shagūfoñ kī udāsī kā dhuāñ
kisī bīmār kī āñkheñ huiiñ pur-nam jaise

āñkhoñ āñkhoñ meñ koī baat huī phūloñ meñ
apne gulshan kī fazā ho ga.ī barham jaise

husn hī husn hai kashmīr ke but-ḳhāne meñ
dūdhiyā chāñdnī phailī huī pūnam jaise

ḳhuub 'ja.afar'-razā ahbāb tumhāre haiñ ye
jo havāoñ se badal jaate haiñ mausam jaise

aatish-e-fikr badan ghulta ho paiham jaise
kisi nagin ne kahin chaTi ho shabnam jaise

bas isi moD se kuchh aage hai manzil apni
hadse maut nishan-e-rah-e-pur-KHam jaise

barf-aluda gulon par ye chamakti kirnen
un ki hansti hui aankhen huin pur-nam jaise

mausam-e-gul mein ye patton ke khaDakne ki sada
nafas-e-umr ki aawaz ho maddham jaise

zaKHm-e-dil roz kuredo to ho lazzat afzun
ek mudawa hai gham-e-yar ho marham jaise

os mein Dube shagufon ki udasi ka dhuan
kisi bimar ki aankhen huin pur-nam jaise

aankhon aankhon mein koi baat hui phulon mein
apne gulshan ki faza ho gai barham jaise

husn hi husn hai kashmir ke but-KHane mein
dudhiya chandni phaili hui punam jaise

KHub 'jafar'-raza ahbab tumhaare hain ye
jo hawaon se badal jate hain mausam jaise

Volume-001"