Subscribe to our newsletter and get our newest updates

Guhar Khairabadi

  • Ghazal


jis taraf bhi dekhiye saya nahin


jis taraf bhī dekhiye saaya nahīñ
phir bhī gulshan hai koī sahrā nahīñ

log baiThe haiñ usī kī chhāñv meñ
saa.e se jis peḌ kā rishta nahīñ

kaam agar aa.e nigāh-e-haq-shanās
phir kisī pahlū koī dhokā nahīñ

haq-pasand merā dastūr-e-amal
ya.anī bik jaanā mirā sheva nahīñ

dosto rakkho haqīqat par nazar
ḳhvāb āñkhoñ meñ kabhī paltā nahīñ

us kī duniyā meñ nahīñ qīmat koī
jo kasauTī par kharā utrā nahīñ

vus.ateñ dil kī haiñ dariyā kī tarah
kaun kahtā hai ki dil dariyā nahīñ

dard-o-ġham vo kis ke samjhe ai 'guhar'
apne ghar se jo kabhī niklā nahīñ

jis taraf bhi dekhiye saya nahin
phir bhi gulshan hai koi sahra nahin

log baiThe hain usi ki chhanw mein
sae se jis peD ka rishta nahin

kaam agar aae nigah-e-haq-shanas
phir kisi pahlu koi dhoka nahin

haq-pasand mera dastur-e-amal
yani bik jaana mera shewa nahin

dosto rakkho haqiqat par nazar
KHwab aankhon mein kabhi palta nahin

us ki duniya mein nahin qimat koi
jo kasauTi par khara utra nahin

wusaten dil ki hain dariya ki tarah
kaun kahta hai ki dil dariya nahin

dard-o-gham wo kis ke samjhe ai 'guhar'
apne ghar se jo kabhi nikla nahin


Leave a comment

+