Subscribe to our newsletter and get our newest updates

Baqi Siddiqui

  • Ghazal


dil se bahar hain KHaridar abhi


dil se bāhar haiñ ḳharīdār abhī
sāmne hai bharā bāzār abhī

aadmī saath nahīñ de saktā
tez hai saa.e kī raftār abhī

ye kaḌī dhuup ye rañgoñ kī phuvār
hai tirā shahr pur-asrār abhī

dil ko yuuñ thaam rakhā hai jaise
baiTh jā.egī ye dīvār abhī

aañch aatī hai sabā se 'bāqī'
kyā koī gul hai sharar-bār abhī

dil se bahar hain KHaridar abhi
samne hai bhara bazar abhi

aadmi sath nahin de sakta
tez hai sae ki raftar abhi

ye kaDi dhup ye rangon ki phuwar
hai tera shahr pur-asrar abhi

dil ko yun tham rakha hai jaise
baiTh jaegi ye diwar abhi

aanch aati hai saba se 'baqi'
kya koi gul hai sharar-bar abhi


Source: Book : Range-e-Gazal (Pg. 143)

Leave a comment

+