maqtal ke is sukūt pe hairat hai kyā kaheñ
aisī fazā to ho ki jise karbalā kaheñ

ye kārvān-e-umr ye sahrā ye ḳhāmushī
aatī hai sharm ḳhud pe bas ab aur kyā kaheñ

logoñ ne ḳhāmushī kī zabāñ siikh lī to phir
kyā kar sakeñge qātil-e-nutq-o-sadā kaheñ

vo zarb thī ki nutq kī zanjīr khul ga.ī
kyā aur mehrbānī-e-dast-e-jafā kaheñ

maqtal ke is sukut pe hairat hai kya kahen
aisi faza to ho ki jise karbala kahen

ye karwan-e-umr ye sahra ye KHamushi
aati hai sharm KHud pe bas ab aur kya kahen

logon ne KHamushi ki zaban sikh li to phir
kya kar sakenge qatil-e-nutq-o-sada kahen

wo zarb thi ki nutq ki zanjir khul gai
kya aur mehrbani-e-dast-e-jafa kahen