Subscribe to our newsletter and get our newest updates

Aasi Ramnagri

  • Ghazal


KHwab mein aao mere rangin KHwabon ki tarah


ḳhvāb meñ aao mire rañgīn ḳhvāboñ kī tarah
paḌh sakūñ tum ko maiñ rūmānī kitāboñ kī tarah

dījiye tashbīh kyā un ko mah-o-ḳhurshīd se
ek chehra un kā hai sau āftāboñ kī tarah

chāhe gar insāñ to ban saktī hai lā-fānī hayāt
zindagī insān kī go hai habāboñ kī tarah

jaise mahfūm-o-ma.ānī se hoñ aarī saare hī
paḌhtā huuñ ik ek chehre ko kitāboñ kī tarah

tishnagī sab kī bujhā.eñ bahr-e-be-pāyāñ baneñ
ban ke duniyā meñ raheñ ham kyuuñ sarāboñ kī tarah

KHwab mein aao mere rangin KHwabon ki tarah
paDh sakun tum ko main rumani kitabon ki tarah

dijiye tashbih kya un ko mah-o-KHurshid se
ek chehra un ka hai sau aaftabon ki tarah

chahe gar insan to ban sakti hai la-fani hayat
zindagi insan ki go hai hababon ki tarah

jaise mahfum-o-maani se hon aari sare hi
paDhta hun ek ek chehre ko kitabon ki tarah

tishnagi sab ki bujhaen bahr-e-be-payan banen
ban ke duniya mein rahen hum kyun sarabon ki tarah


Leave a comment

+