kahā maano mohabbat meñ zarar hai
tabī.at ko sambhālo dil kidhar hai

ḳhudā jaane kahā ġhairoñ se kyā aaj
na vo dil hai na vo un kī nazar hai

ajab manzil pe mujh ko ishq laayā
na rastā hai na koī rāhbar hai

vo kaahe ko yahāñ ā.eñge ai dil
yūñhī kahte haiñ sab jhūTī ḳhabar hai

na aao is taraf ai hazrat-e-ishq
chale jaao ġharīboñ kā ye ghar hai

kaha mano mohabbat mein zarar hai
tabiat ko sambhaalo dil kidhar hai

KHuda jaane kaha ghairon se kya aaj
na wo dil hai na wo un ki nazar hai

ajab manzil pe mujh ko ishq laya
na rasta hai na koi rahbar hai

wo kahe ko yahan aaenge ai dil
yunhi kahte hain sab jhuTi KHabar hai

na aao is taraf ai hazrat-e-ishq
chale jao gharibon ka ye ghar hai