tum us se duurī bhī mat ḳhvāh-maḳhvāh meñ rakhnā
bas ehtiyāt sī ik rasm-o-rāh meñ rakhnā

tum apne rañg nahāo tum apnī mauj uḌo
magar hamārī vafā bhī nigāh meñ rakhnā

qubūl gar na kare vo to kyā hameñ sar-e-shām
gulāb mahfil-e-zill-e-ilāh meñ rakhnā

jo raas aa.ī use masnad-e-shahī to suno
shikasta chūḌiyāñ ab razm-gāh meñ rakhnā

baḌā azaab hai mahmūda-'ġhāziya' hijrat
mire ḳhudā mujhe apnī panāh meñ rakhnā

tum us se duri bhi mat KHwah-maKHwah mein rakhna
bas ehtiyat si ek rasm-o-rah mein rakhna

tum apne rang nahao tum apni mauj uDo
magar hamari wafa bhi nigah mein rakhna

qubul gar na kare wo to kya hamein sar-e-sham
gulab mahfil-e-zill-e-ilah mein rakhna

jo ras aai use masnad-e-shahi to suno
shikasta chuDiyan ab razm-gah mein rakhna

baDa azab hai mahmuda-'ghaziya' hijrat
mere KHuda mujhe apni panah mein rakhna