Subscribe to our newsletter and get our newest updates

Vishal Khullar

  • Ghazal


mera wahm-o-guman rahne de


merā vahm-o-gumān rahne de
sun mujhe be-zabān rahne de

dard-e-dil kāmrān rahne de
ai mohabbat javān rahne de

mujh meñ ūñchī uḌaan rahne de
merī hasrat javān rahne de

murda logoñ kī bastiyāñ vīrāñ
mere jazboñ meñ jaan rahne de

jā-ba-jā jam.a sūrajoñ kī bhiiḌ
maan ai āsmān rahne de

ek chup sī lagī huī achchhī
rahne de dāstān rahne de

maiñ bhī ḳhud ko bachā sakūñ ḳhud se
aisā harf-e-bayān rahne de

kaam banñe lageñ agar yūñhī
sab ke sab raam baan rahne de

granth ik prem kā paḌhā mujh ko
aur kitāboñ kā gyaan rahne de

aag meñ jal rahā huuñ barsoñ se
ab mirā imtihān rahne de

mera wahm-o-guman rahne de
sun mujhe be-zaban rahne de

dard-e-dil kaamran rahne de
ai mohabbat jawan rahne de

mujh mein unchi uDan rahne de
meri hasrat jawan rahne de

murda logon ki bastiyan viran
mere jazbon mein jaan rahne de

ja-ba-ja jama surajon ki bhiD
man ai aasman rahne de

ek chup si lagi hui achchhi
rahne de dastan rahne de

main bhi KHud ko bacha sakun KHud se
aisa harf-e-bayan rahne de

kaam banne lagen agar yunhi
sab ke sab ram ban rahne de

granth ek prem ka paDha mujh ko
aur kitabon ka gyan rahne de

aag mein jal raha hun barson se
ab mera imtihan rahne de


Source: Book : Kulliyat-e-Habib Jalib (Pg. 330) Author : Habib Jalib Publication : Tahir Sons Publishers (2012) Edition : 2012

Leave a comment

+