Subscribe to our newsletter and get our newest updates

Hafeez Jauhar

  • Ghazal


KHwahish se jab rang utarne lagte hain


ḳhvāhish se jab rañg utarne lagte haiñ
mausam apne andar marne lagte haiñ

ik bādal ko dekh ke dasht kī āñkhoñ meñ
sairābī ke ḳhvāb sañvarne lagte haiñ

jab dariyā kī chaal samajh meñ aatī hai
log kināroñ par bhī Darne lagte haiñ

din kaTtā hai sūraj kī hamrāhī meñ
shab ko dil ke daaġh bhī jalne lagte haiñ

us kā phone nahīñ miltā to aksar ham
apne aap se bāteñ karne lagte haiñ

KHwahish se jab rang utarne lagte hain
mausam apne andar marne lagte hain

ek baadal ko dekh ke dasht ki aankhon mein
sairabi ke KHwab sanwarne lagte hain

jab dariya ki chaal samajh mein aati hai
log kinaron par bhi Darne lagte hain

din kaTta hai suraj ki hamrahi mein
shab ko dil ke dagh bhi jalne lagte hain

us ka phone nahin milta to aksar hum
apne aap se baaten karne lagte hain


Source: Book : Kitab-e-Rafta (Pg. 56) Author : Firasat Rizvi Publication : Academy Bazyaft, Karachi Pakistan (2007) Edition : 2007

Leave a comment

+