mire vajūd kī duniyā meñ hai asar kis kā
maiñ jāntā hī nahīñ huuñ maiñ ham-safar kis kā

na mujh pe tanz karo dosto ki be-ghar huuñ
tumhīñ kaho ki hai tum meñ se apnā ghar kis kā

is ik savāl kā sūraj bhī de sakā na javāb
maiñ sirf saaya nahīñ ruup huuñ magar kis kā

jo mere paas thā sab luuT le gayā koī
kivāḌ band rakhūñ ab mujhe hai Dar kis kā

har ek shaḳhs rahā mahv-e-shaġhl-e-sañg-zanī
kise paḌī thī ki dekhe uḌā hai sar kis kā

ye aur baat sazā us ko mil ga.ī varna
chalā hai zor dil-e-nā-subūr par kis kā

tumhārī baat alag hai vagarna ai 'manzūr'
bachā hai ab bhī savād-e-dil-o-nazar kis kā

mere wajud ki duniya mein hai asar kis ka
main jaanta hi nahin hun main ham-safar kis ka

na mujh pe tanz karo dosto ki be-ghar hun
tumhin kaho ki hai tum mein se apna ghar kis ka

is ek sawal ka suraj bhi de saka na jawab
main sirf saya nahin rup hun magar kis ka

jo mere pas tha sab luT le gaya koi
kiwaD band rakhun ab mujhe hai Dar kis ka

har ek shaKHs raha mahw-e-shaghl-e-sang-zani
kise paDi thi ki dekhe uDa hai sar kis ka

ye aur baat saza us ko mil gai warna
chala hai zor dil-e-na-subur par kis ka

tumhaari baat alag hai wagarna ai 'manzur'
bacha hai ab bhi sawad-e-dil-o-nazar kis ka

Source: