yaqīñ se jo gumāñ kā fāsla hai
zamīñ se āsmāñ kā fāsla hai

havā-paimā.ī kī ḳhvāhish hai itnī
ki jitnā bādbāñ kā fāsla hai

ḳhayālāt is qadar haiñ muḳhtalif kyuuñ
hamāre darmiyāñ kā fāsla hai

koī iz.hār kar saktā hai kaise
ye lafzoñ se zabāñ kā fāsla hai

maiñ us tak kis tarah pahuñchūñgā 'tābish'
yahāñ se is jahāñ kā fāsla hai

yaqin se jo guman ka fasla hai
zamin se aasman ka fasla hai

hawa-paimai ki KHwahish hai itni
ki jitna baadban ka fasla hai

KHayalat is qadar hain muKHtalif kyun
hamare darmiyan ka fasla hai

koi izhaar kar sakta hai kaise
ye lafzon se zaban ka fasla hai

main us tak kis tarah pahunchunga 'tabish'
yahan se is jahan ka fasla hai

Source: Book : Chand Chehra Sitara Aankhen (Pg. 17) Author : obaidullah aliim Publication : Al-Ibas Printers (2012) Edition : 2012