Subscribe to our newsletter and get our newest updates

Mahmood Ishqi

  • Ghazal


raste par hai kai ki maKHmal


rāste par hai kaa.ī kī maḳhmal
paañv terā kahīñ na jaa.e phisal

haat phailā.e ḳhushk peḌoñ ne
dekh kar duur dūdhiyā bādal

dil hai ḳhāmosh jhiil kī sūrat
kañkarī pheñkiye ki ho halchal

sarfaroshoñ ko hai talāsh us kī
chhup ga.ī hai kahāñ pe jā ke ajal

khol kar kaag soch meñ gum huuñ
baḌbaḌātī hai mez par botal

aap kis peḌ ko bachā.eñge
jal rahā hai tamām hī jañgal

pech-o-ḳham haiñ kahīñ na hariyālī
ziist maidān kī tarah chaTyal

raste par hai kai ki maKHmal
panw tera kahin na jae phisal

hat phailae KHushk peDon ne
dekh kar dur dudhiya baadal

dil hai KHamosh jhil ki surat
kankari phenkiye ki ho halchal

sarfaroshon ko hai talash us ki
chhup gai hai kahan pe ja ke ajal

khol kar kag soch mein gum hun
baDbaDati hai mez par botal

aap kis peD ko bachaenge
jal raha hai tamam hi jangal

pech-o-KHam hain kahin na hariyali
zist maidan ki tarah chaTyal


Leave a comment

+