Subscribe to our newsletter and get our newest updates

Wajid Sahri

  • Ghazal


nadan hoshiyar bane jin ke rup se


nādān hoshiyār bane jin ke ruup se
vo bhī jhulas ga.e haiñ havādis kī dhuup se

hamrāh ajnabī ke bahut duur tak gayā
chehra thā miltā jultā zarā un ke ruup se

kaisī havā ye aa.ī gulistāñ se garm garm
kyā phuul sho.ale ban ga.e sāvan kī dhuup se

kyā kyā na hādse mire dil par guzar ga.e
lekin shaguftagī na ga.ī rañg-rūp se

'vājid' use na manzil-e-maqsūd mil sakī
ghabrā ke rah gayā jo masā.ib kī dhuup se

nadan hoshiyar bane jin ke rup se
wo bhi jhulas gae hain hawadis ki dhup se

hamrah ajnabi ke bahut dur tak gaya
chehra tha milta julta zara un ke rup se

kaisi hawa ye aai gulistan se garm garm
kya phul shoale ban gae sawan ki dhup se

kya kya na hadse mere dil par guzar gae
lekin shaguftagi na gai rang-rup se

'wajid' use na manzil-e-maqsud mil saki
ghabra ke rah gaya jo masaib ki dhup se


Source: Waridat

Leave a comment

+