Subscribe to our newsletter and get our newest updates

Aadil Raza Mansoori

  • Ghazal


raste sikhate hain kis se kya alag rakhna


rāste sikhāte haiñ kis se kyā alag rakhnā
manzileñ alag rakhnā qāfila alag rakhnā

ba.ad ek muddat ke lauT kar vo aayā hai
aaj to kahānī se hādisa alag rakhnā

jis se ham ne sīkhā thā saath saath chalnā hai
ab vahī batātā hai naqsh-e-pā alag rakhnā

kūza-gar ne jaane kyuuñ aadmī banāyā hai
us ko sab khilaunoñ se tum zarā alag rakhnā

lauT kar to aa.e ho tajraboñ kī sūrat hai
par mirī kahānī se falsafa alag rakhnā

tum to ḳhuub vāqif ho ab tumhī batāo nā
kis meñ kyā milānā hai kis se kyā alag rakhnā

ḳhvāhishoñ kā ḳhamyāza ḳhvāb kyuuñ bhareñ 'ādil'
aaj merī āñkhoñ se rat-jagā alag rakhnā

raste sikhate hain kis se kya alag rakhna
manzilen alag rakhna qafila alag rakhna

baad ek muddat ke lauT kar wo aaya hai
aaj to kahani se hadisa alag rakhna

jis se hum ne sikha tha sath sath chalna hai
ab wahi batata hai naqsh-e-pa alag rakhna

kuza-gar ne jaane kyun aadmi banaya hai
us ko sab khilaunon se tum zara alag rakhna

lauT kar to aae ho tajrabon ki surat hai
par meri kahani se falsafa alag rakhna

tum to KHub waqif ho ab tumhi batao na
kis mein kya milana hai kis se kya alag rakhna

KHwahishon ka KHamyaza KHwab kyun bharen 'adil'
aaj meri aankhon se rat-jaga alag rakhna


Leave a comment

+