bhaḌke hai dil kī ātish tujh neh kī havā suuñ
sho.ala namat jalā dil tujh husn-e-sho.ala-zā suuñ

gul ke charāġh gul ho yak baar jhaḌ paḌeñ sab
mujh aah kī hikāyat boleñ agar sabā suuñ

niklī hai jast kar kar har sañg-dil suuñ ātish
chaqmāq jab palak kī jhāḌā hai tuuñ adā suuñ

sajda badal rakhe sar sar-tā-qadam araq ho
tujh bā-hayā ke pag par aa kar hinā hayā suuñ

yaañ dard hai param kā behūda sar kahe mat
ye baat sun 'valī' kī jā kar kaho davā suuñ

bhaDke hai dil ki aatish tujh neh ki hawa sun
shoala namat jala dil tujh husn-e-shoala-za sun

gul ke charagh gul ho yak bar jhaD paDen sab
mujh aah ki hikayat bolen agar saba sun

nikli hai jast kar kar har sang-dil sun aatish
chaqmaq jab palak ki jhaDa hai tun ada sun

sajda badal rakhe sar sar-ta-qadam araq ho
tujh ba-haya ke pag par aa kar hina haya sun

yan dard hai param ka behuda sar kahe mat
ye baat sun 'wali' ki ja kar kaho dawa sun

Source: Book : Intekhab-e-kalam  Miir Zamin Ali Jalal (Pg. 45)