Subscribe to our newsletter and get our newest updates

Fahmi Badayuni

  • Ghazal


puchh lete wo bas mizaj mera


pūchh lete vo bas mizāj mirā
kitnā āsān thā ilaaj mirā

chāra-gar kī nazar batātī hai
haal achchhā nahīñ hai aaj mirā

maiñ to rahtā huuñ dasht meñ masrūf
qais kartā hai kām-kāj mirā

koī kaasa madad ko bhej allāh
mere bas meñ nahīñ hai taaj mirā

maiñ mohabbat kī bādshāhat huuñ
mujh pe chaltā nahīñ hai raaj mirā

puchh lete wo bas mizaj mera
kitna aasan tha ilaj mera

chaara-gar ki nazar batati hai
haal achchha nahin hai aaj mera

main to rahta hun dasht mein masruf
qais karta hai kaam-kaj mera

koi kasa madad ko bhej allah
mere bas mein nahin hai taj mera

main mohabbat ki baadshahat hun
mujh pe chalta nahin hai raj mera


Leave a comment

+