ghaTne vaale the jab azaab mire
aa ga.e yaad mujh ko ḳhvāb mire

ek pahlū meñ so rahe haiñ vo
ek pahlū meñ hai kitāb mire

naap leñge ab aur kitnī baar
kapḌe sī dījiye janāb mire

ishq agar rā.egāñ huā to kyā
aaj bachche haiñ kāmyāb mire

vaise bhī option nahīñ thā koī
ban ga.e tum hī intiḳhāb mire

mire gāloñ tak aa gayā hai vo
chūmte chūmte gulāb mire

ghaTne wale the jab azab mere
aa gae yaad mujh ko KHwab mere

ek pahlu mein so rahe hain wo
ek pahlu mein hai kitab mere

nap lenge ab aur kitni bar
kapDe si dijiye janab mere

ishq agar raegan hua to kya
aaj bachche hain kaamyab mere

waise bhi option nahin tha koi
ban gae tum hi intiKHab mere

mere galon tak aa gaya hai wo
chumte chumte gulab mere