Subscribe to our newsletter and get our newest updates

Gauhar Usmani

  • Ghazal


kabhi shuur kabhi dil kabhi suKHan mahke


kabhī shu.ūr kabhī dil kabhī suḳhan mahke
kaho vo sher ki duniya-e-fikr-o-fan mahke

atā hameñ bhī jo ho jaa.e 'mīr' kā andāz
to lafz lafz se ma.anī kā pairahan mahke

rahūñ ḳhamosh to phūloñ ko niiñd aa jaa.e
paḌhūñ jo sher to lafzoñ kā bāñkpan mahke

larazte hoñToñ kī vo guftugū to yaad nahīñ
bas itnā yaad hai barsoñ lab-o-dahan mahke

dabī huī hai jo sadiyoñ se ġham kī chiñgārī
bhaḌak uThe to ḳhayāloñ kī anjuman mahke

kabhī to aisā zamāna bhī aa.e ai 'gauhar'
mohabbatoñ kī fazā se mirā vatan mahke

kabhi shuur kabhi dil kabhi suKHan mahke
kaho wo sher ki duniya-e-fikr-o-fan mahke

ata hamein bhi jo ho jae 'mir' ka andaz
to lafz lafz se mani ka pairahan mahke

rahun KHamosh to phulon ko nind aa jae
paDhun jo sher to lafzon ka bankpan mahke

larazte honTon ki wo guftugu to yaad nahin
bas itna yaad hai barson lab-o-dahan mahke

dabi hui hai jo sadiyon se gham ki chingari
bhaDak uThe to KHayalon ki anjuman mahke

kabhi to aisa zamana bhi aae ai 'gauhar'
mohabbaton ki faza se mera watan mahke


Leave a comment

+