ham dasht-e-be-karāñ kī azaañ ho ga.e to kyā
vahshat meñ ab kī baar ziyāñ ho ga.e to kyā

baasī ghuTan se ghar ke añdhere na kam hue
ham raat jugnuoñ kī dukāñ ho ga.e to kyā

uljhan baḌhī to chand ḳharābe ḳharīd laa.e
saude meñ ab kī baar ziyāñ ho ga.e to kyā

ghar meñ hamāre qaid rahā zindagī kā shor
ham be-zabān nazr-e-fuġhāñ ho ga.e to kyā

ham haiñ hamārā shahr hai puḳhta makān hai
kuchh maqbare nasīb-e-ḳhizāñ ho ga.e to kyā

sat-rañg āsmāñ kī dhanak hai tumhāre saath
ham daldalī zamīn yahāñ ho ga.e to kyā

jab dhuup āsmān ke hujre meñ so ga.ī
aaseb tīrgī ke javāñ ho ga.e to kyā

patjhaḌ ne jab se maañg sajā.ī hai apnī 'rind'
ham suunī rahguzar kā nishāñ ho ga.e to kyā

hum dasht-e-be-karan ki azan ho gae to kya
wahshat mein ab ki bar ziyan ho gae to kya

basi ghuTan se ghar ke andhere na kam hue
hum raat jugnuon ki dukan ho gae to kya

uljhan baDhi to chand KHarabe KHarid lae
saude mein ab ki bar ziyan ho gae to kya

ghar mein hamare qaid raha zindagi ka shor
hum be-zaban nazr-e-fughan ho gae to kya

hum hain hamara shahr hai puKHta makan hai
kuchh maqbare nasib-e-KHizan ho gae to kya

sat-rang aasman ki dhanak hai tumhaare sath
hum daldali zamin yahan ho gae to kya

jab dhup aasman ke hujre mein so gai
aaseb tirgi ke jawan ho gae to kya

patjhaD ne jab se mang sajai hai apni 'rind'
hum suni rahguzar ka nishan ho gae to kya

RECITATIONS P P Srivastava Rind



00:00/00:00 hum dasht-e-be-karan ki azan ho gae to kya P P Srivastava Rind

Source: Kitab-e-tanhaii