Subscribe to our newsletter and get our newest updates

Tahzeeb Hafi

  • Ghazal


ek tera hijr daimi hai mujhe


ik tirā hijr dā.imī hai mujhe
varna har chiiz aarzī hai mujhe

ek saaya mire ta.āqub meñ
ek āvāz DhūñDtī hai mujhe

merī āñkhoñ pe do muqaddas haath
ye añdherā bhī raushnī hai mujhe

maiñ suḳhan meñ huuñ us jagah ki jahāñ
saañs lenā bhī shā.irī hai mujhe

in parindoñ se bolnā sīkhā
peḌ se ḳhāmushī milī hai mujhe

maiñ use kab kā bhūl-bhāl chukā
zindagī hai ki ro rahī hai mujhe

maiñ ki kāġhaz kī ek kashtī huuñ
pahlī bārish hī āḳhirī hai mujhe

ek tera hijr daimi hai mujhe
warna har chiz aarzi hai mujhe

ek saya mere taaqub mein
ek aawaz DhunDti hai mujhe

meri aankhon pe do muqaddas hath
ye andhera bhi raushni hai mujhe

main suKHan mein hun us jagah ki jahan
sans lena bhi shairi hai mujhe

in parindon se bolna sikha
peD se KHamushi mili hai mujhe

main use kab ka bhul-bhaal chuka
zindagi hai ki ro rahi hai mujhe

main ki kaghaz ki ek kashti hun
pahli barish hi aaKHiri hai mujhe

Videos
This video is playing from YouTube Videos
This video is playing from YouTube Tahzeeb Hafi

Source: Book : SAAZ-O-NAVA (Pg. 129) Publication : Raghu Nath suhai ummid

Leave a comment

+