Subscribe to our newsletter and get our newest updates

Wali Uzlat

  • Ghazal


tere lab-bin hai dil mein shola-zan mul jis ko kahte hain


tire lab-bin hai dil meñ shola-zan mul jis ko kahte haiñ
nashe kī maut kī hichkī hai qulqul jis ko kahte haiñ

jo pūchhe ittihād-e-husn-o-ishq us ko nazar aave
ki niklā baiza-e-ġhuncha se bulbul jis ko kahte haiñ

ai maalī ḳhārij āhañgī na kar sāz-e-mohabbat meñ
dil-e-bulbul hai TuuTā ḳhuuñ huā gul jis ko kahte haiñ

guzarne kā sabab hai zindagī ke aab se piirī
qadam ḳham hai muhīt-e-umr kā pul jis ko kahte haiñ

bajā hote haiñ 'uzlat' dil kabāb in ishq-bāzoñ ke
dhuāñ hai husn kī ātish kā kākul jis ko kahte haiñ

tere lab-bin hai dil mein shola-zan mul jis ko kahte hain
nashe ki maut ki hichki hai qulqul jis ko kahte hain

jo puchhe ittihad-e-husn-o-ishq us ko nazar aawe
ki nikla baiza-e-ghuncha se bulbul jis ko kahte hain

ai mali KHarij aahangi na kar saz-e-mohabbat mein
dil-e-bulbul hai TuTa KHun hua gul jis ko kahte hain

guzarne ka sabab hai zindagi ke aab se piri
qadam KHam hai muhit-e-umr ka pul jis ko kahte hain

baja hote hain 'uzlat' dil kabab in ishq-bazon ke
dhuan hai husn ki aatish ka kakul jis ko kahte hain


Leave a comment

+