Subscribe to our newsletter and get our newest updates

Aanis Moin

  • Ghazal


wo mere haal pe roya bhi muskuraya bhi


vo mere haal pe royā bhī muskurāyā bhī
ajiib shaḳhs hai apnā bhī hai parāyā bhī

ye intizār sahar kā thā yā tumhārā thā
diyā jalāyā bhī maiñ ne diyā bujhāyā bhī

maiñ chāhtā huuñ Thahar jaa.e chashm-e-dariyā meñ
laraztā aks tumhārā bhī merā saayā bhī

bahut mahīn thā parda laraztī āñkhoñ kā
mujhe dikhāyā bhī tū ne mujhe chhupāyā bhī

bayāz bhar bhī ga.ī aur phir bhī saada hai
tumhāre naam ko likkhā bhī aur miTāyā bhī

wo mere haal pe roya bhi muskuraya bhi
ajib shaKHs hai apna bhi hai paraya bhi

ye intizar sahar ka tha ya tumhaara tha
diya jalaya bhi main ne diya bujhaya bhi

main chahta hun Thahar jae chashm-e-dariya mein
larazta aks tumhaara bhi mera saya bhi

bahut mahin tha parda larazti aankhon ka
mujhe dikhaya bhi tu ne mujhe chhupaya bhi

bayaz bhar bhi gai aur phir bhi sada hai
tumhaare nam ko likkha bhi aur miTaya bhi

RECITATIONS Nomaan Shauque



00:00/00:00 wo mere haal pe roya bhi muskuraya bhi Nomaan Shauque

Leave a comment

+