bā.is-e-iztirāb ḳhāmoshī
ik musalsal azaab ḳhāmoshī

guftugū hai abhī hama-tan-gosh
kar rahī hai ḳhitāb ḳhāmoshī

kis qadar dil ḳharāsh hai mat pūchh
ḳhāmushī kā javāb ḳhāmoshī

saare lafzoñ ne saath chhoḌ diyā
jab huī bāryāb ḳhāmoshī

ḳhush-bayānī kā zo.am ḳhatm huā
kar ga.ī lā-javāb ḳhāmoshī

ik taraf pur-kashish mire ash.ār
ik taraf ijtināb ḳhāmoshī

un ke hoñToñ pe kuchh nahīñ 'rāġhib'
ho ga.ī be-naqāb ḳhāmoshī

bais-e-iztirab KHamoshi
ek musalsal azab KHamoshi

guftugu hai abhi hama-tan-gosh
kar rahi hai KHitab KHamoshi

kis qadar dil KHarash hai mat puchh
KHamushi ka jawab KHamoshi

sare lafzon ne sath chhoD diya
jab hui baryab KHamoshi

KHush-bayani ka zoam KHatm hua
kar gai la-jawab KHamoshi

ek taraf pur-kashish mere ashaar
ek taraf ijtinab KHamoshi

un ke honTon pe kuchh nahin 'raghib'
ho gai be-naqab KHamoshi