Subscribe to our newsletter and get our newest updates

Idris Babar

  • Ghazal


mashhur to bas ek diya hai mere dil mein


mash.hūr to bas ek diyā hai mire dil meñ
kitne hī sitāroñ kī jagah hai mire dil meñ

tum ne to hikāyāt hī sun rakkhī haiñ varna
vo shahr vo ḳheme vo sirā hai mire dil meñ

maiñ raah se bhaTkūñ to khaTaktī hai koī baat
jis tarah koī samt-numā hai mire dil meñ

duniyā se guzarne ko abhī umr paḌī hai
ye ḳhvāb to kuchh din ko rukā hai mire dil meñ

ye ghar dar-o-dīvār kī had tak hai salāmat
lekin vo jo ghar TuuT gayā hai mire dil meñ

ye log zarā der ko Tal jaa.eñ to 'bābar'
maiñ dekh luuñ kyā vaqt huā hai mire dil meñ

mashhur to bas ek diya hai mere dil mein
kitne hi sitaron ki jagah hai mere dil mein

tum ne to hikayat hi sun rakkhi hain warna
wo shahr wo KHeme wo sira hai mere dil mein

main rah se bhaTkun to khaTakti hai koi baat
jis tarah koi samt-numa hai mere dil mein

duniya se guzarne ko abhi umr paDi hai
ye KHwab to kuchh din ko ruka hai mere dil mein

ye ghar dar-o-diwar ki had tak hai salamat
lekin wo jo ghar TuT gaya hai mere dil mein

ye log zara der ko Tal jaen to 'babar'
main dekh lun kya waqt hua hai mere dil mein


Leave a comment

+