Subscribe to our newsletter and get our newest updates

Taban Abdul Hai

  • Ghazal


aisa kahan hubab koi chashm-e-tar ki hum


aisā kahāñ hubāb koī chashm-e-tar ki ham
lab ḳhushk ye muhīt hai kab is qadar ki ham

aisā nahīñ ġharīb koī ghar-ba-ghar ki ham
aisā nahīñ ḳharāb koī dar-ba-dar ki ham

mūdām hī mushabbak-e-mizhgān-e-yār hai
lekin na is qadar rahe ḳhasta-jigar ki ham

go aaj ham haiñ be-sar-o-pā dekhiye ki kal
ye rāh-e-pul-sirāt kare shaiḳh sar ki ham

ham bahste haiñ chāk-e-garebāñ pe tere saath
aur dekhiye ki ham se rahe tū sahar ki ham

rote adam se aa.e the rote hī jā.eñge
aisā nahīñ azal se koī nauhagar ki ham

duniyā ki nek o bad se mujhe kuchh ḳhabar nahīñ
itnā nahīñ jahāñ maiñ koī be-ḳhabar ki ham

pūchhā maiñ us se kaun hai qātil mirā batā
kahne lagā pakaḌ ke vo teġh o sipar ki ham

dīvāñ hamārā ġhaur se 'tābāñ' tū dekh to
rakhtā hai kab muhīt ye ganj-e-guhar ki ham

aisa kahan hubab koi chashm-e-tar ki hum
lab KHushk ye muhit hai kab is qadar ki hum

aisa nahin gharib koi ghar-ba-ghar ki hum
aisa nahin KHarab koi dar-ba-dar ki hum

mudam hi mushabbak-e-mizhgan-e-yar hai
lekin na is qadar rahe KHasta-jigar ki hum

go aaj hum hain be-sar-o-pa dekhiye ki kal
ye rah-e-pul-siraat kare shaiKH sar ki hum

hum bahste hain chaak-e-gareban pe tere sath
aur dekhiye ki hum se rahe tu sahar ki hum

rote adam se aae the rote hi jaenge
aisa nahin azal se koi nauhagar ki hum

duniya ki nek o bad se mujhe kuchh KHabar nahin
itna nahin jahan main koi be-KHabar ki hum

puchha main us se kaun hai qatil mera bata
kahne laga pakaD ke wo tegh o sipar ki hum

diwan hamara ghaur se 'taban' tu dekh to
rakhta hai kab muhit ye ganj-e-guhar ki hum


Leave a comment

+