Subscribe to our newsletter and get our newest updates

Imran Shamshad

  • Ghazal


teri mushkil kisi ko kya malum


terī mushkil kisī ko kyā ma.alūm
ai mere dil kisī ko kyā ma.alūm

terā rasta judā hī hai sab se
terī manzil kisī ko kyā ma.alūm

jo kisī dil meñ chal rahī hai abhī
aisī mahfil kisī ko kyā ma.alūm

dūsroñ ke kināre jānte haiñ
apnā sāhil kisī ko kyā ma.alūm

ye rayāzī kā formula nahīñ
qīmat-e-dil kisī ko kyā ma.alūm

kitnā āsān ho gayā huuñ maiñ
merī mushkil kisī ko kyā ma.alūm

teri mushkil kisi ko kya malum
ai mere dil kisi ko kya malum

tera rasta juda hi hai sab se
teri manzil kisi ko kya malum

jo kisi dil mein chal rahi hai abhi
aisi mahfil kisi ko kya malum

dusron ke kinare jaante hain
apna sahil kisi ko kya malum

ye rayazi ka formula nahin
qimat-e-dil kisi ko kya malum

kitna aasan ho gaya hun main
meri mushkil kisi ko kya malum


Leave a comment

+