Subscribe to our newsletter and get our newest updates

Hakeem Nasir

  • Ghazal


kabhi wo hath na aaya hawaon jaisa hai


kabhī vo haath na aayā havāoñ jaisā hai
vo ek shaḳhs jo sach-much ḳhudāoñ jaisā hai

hamārī sham-e-tamannā bhī jal ke ḳhaak huī
hamāre sho.aloñ kā aalam chitāoñ jaisā hai

vo bas gayā hai jo aa kar hamārī sāñsoñ meñ
jabhī to lahja hamārā duāoñ jaisā hai

tumhāre ba.ad ujāle bhī ho ga.e ruḳhsat
hamāre shahr kā manzar bhī gaañv jaisā hai

vo ek shaḳhs jo ham se hai ajnabī ab tak
ḳhulūs us kā magar āshnāoñ jaisā hai

hamāre ġham meñ vo zulfeñ bikhar ga.iiñ 'nāsir'
jabhī to aaj kā mausam bhī chhāñv jaisā hai

kabhi wo hath na aaya hawaon jaisa hai
wo ek shaKHs jo sach-much KHudaon jaisa hai

hamari sham-e-tamanna bhi jal ke KHak hui
hamare shoalon ka aalam chitaon jaisa hai

wo bas gaya hai jo aa kar hamari sanson mein
jabhi to lahja hamara duaon jaisa hai

tumhaare baad ujale bhi ho gae ruKHsat
hamare shahr ka manzar bhi ganw jaisa hai

wo ek shaKHs jo hum se hai ajnabi ab tak
KHulus us ka magar aashnaon jaisa hai

hamare gham mein wo zulfen bikhar gain 'nasir'
jabhi to aaj ka mausam bhi chhanw jaisa hai


Source: Waridat

Leave a comment

+