Subscribe to our newsletter and get our newest updates

Umair Najmi

  • Ghazal


khel donon ka chale tin ka dana na paDe


khel donoñ kā chale tiin kā daana na paḌe
sīḌhiyāñ aatī raheñ saañp kā ḳhāna na paḌe

dekh me.amār parinde bhī raheñ ghar bhī bane
naqsha aisā ho koī peḌ girānā na paḌe

mere hoñToñ pe kisī lams kī ḳhvāhish hai shadīd
aisā kuchh kar mujhe cigarette ko jalānā na paḌe

is ta.alluq se nikalne kā koī rāsta de
is pahāḌī pe bhī bārūd lagānā na paḌe

nam kī tarsīl se āñkhoñ kī harārat kam ho
sard-ḳhānoñ meñ koī ḳhvāb purānā na paḌe

rabt kī ḳhair hai bas terī anā bach jaa.e
is tarah jā ki tujhe lauT ke aanā na paḌe

hijr aisā ho ki chehre pe nazar aa jaa.e
zaḳhm aisā ho ki dikh jaa.e dikhānā na paḌe

khel donon ka chale tin ka dana na paDe
siDhiyan aati rahen sanp ka KHana na paDe

dekh meamar parinde bhi rahen ghar bhi bane
naqsha aisa ho koi peD girana na paDe

mere honTon pe kisi lams ki KHwahish hai shadid
aisa kuchh kar mujhe cigarette ko jalana na paDe

is talluq se nikalne ka koi rasta de
is pahaDi pe bhi barud lagana na paDe

nam ki tarsil se aankhon ki hararat kam ho
sard-KHanon mein koi KHwab purana na paDe

rabt ki KHair hai bas teri ana bach jae
is tarah ja ki tujhe lauT ke aana na paDe

hijr aisa ho ki chehre pe nazar aa jae
zaKHm aisa ho ki dikh jae dikhana na paDe


Leave a comment

+