ghaḌī jiitā ghaḌī martā rahā huuñ
use jaate hue taktā rahā huuñ

maiñ ḳhud ko sāmne tere biThā kar
ḳhud apne se gila kartā rahā huuñ

jo saare shahr kā thā us kī ḳhātir
maiñ saare shahr se laḌtā rahā huuñ

maiñ vaqt-e-ḳhāna-e-mazdūr thā so
ba-taur-e-imtihāñ kaTtā rahā huuñ

bahut pahchāntā huuñ zāhidoñ ko
tumhāre ghar kā maiñ rasta rahā huuñ

ghaDi jita ghaDi marta raha hun
use jate hue takta raha hun

main KHud ko samne tere biTha kar
KHud apne se gila karta raha hun

jo sare shahr ka tha us ki KHatir
main sare shahr se laDta raha hun

main waqt-e-KHana-e-mazdur tha so
ba-taur-e-imtihan kaTta raha hun

bahut pahchanta hun zahidon ko
tumhaare ghar ka main rasta raha hun

Source: Book : Naqsh-e-karachi (Pg. 120) Author : Shahid Dehlvi,Shams Zubairi Publication : Adbi Digest (26 September 1960) Edition : 26 September 1960