tere dar tak aa.uuñ maiñ
ā.īna ho jā.ūñ maiñ

manzil apnī DhūñDe vo
aur rasta ho jā.ūñ maiñ

us kā koī zikr nā ho
aur rusvā ho jā.ūñ maiñ

sab ke da.ave vājib haiñ
kis ke hisse aa.uuñ maiñ

tanhā.ī ko saath liye
bhiiḌ nahīñ ho jā.ūñ maiñ

tere dar tak aaun main
aaina ho jaun main

manzil apni DhunDe wo
aur rasta ho jaun main

us ka koi zikr na ho
aur ruswa ho jaun main

sab ke dawe wajib hain
kis ke hisse aaun main

tanhai ko sath liye
bhiD nahin ho jaun main