Subscribe to our newsletter and get our newest updates

Vijay Sharma

  • Ghazal


tere ghurur mere zabt ka sawal raha


tire ġhurūr mire zabt kā savāl rahā
bikhar bikhar ke tujhe chāhnā kamāl rahā

vahīñ pe Dūbnā ārām se huā mumkin
jahāñ pe mauj-o-safīne meñ e'tidāl rahā

nahīñ ki shaam Dhale tum na lauTte lekin
tumhārī raah meñ sūraj hī lā-zavāl rahā

phir apnā haath kaleje pe rakh liyā ham ne
phir us ke paañv kī aahaT kā ehtimāl rahā

tere ghurur mere zabt ka sawal raha
bikhar bikhar ke tujhe chahna kamal raha

wahin pe Dubna aaram se hua mumkin
jahan pe mauj-o-safine mein e'tidal raha

nahin ki sham Dhale tum na lauTte lekin
tumhaari rah mein suraj hi la-zawal raha

phir apna hath kaleje pe rakh liya hum ne
phir us ke panw ki aahaT ka ehtimal raha


Leave a comment

+