Subscribe to our newsletter and get our newest updates

Vasaf Basit

  • Ghazal


dhup shajar ko git sunae aati hai


dhuup shajar ko giit sunā.e aatī hai
titlī saare rañg churā.e aatī hai

un ash.ār kā ḳhush honā to lāzim hai
jin ash.ār pe un kī raa.e aatī hai

thoḌī der meñ train nikalne vaalī hai
sun thoḌī hī der meñ chaa.e aatī hai

is lamhe par lag jaate haiñ ghar ko bhī
jab jab vo is samt sarā.e aatī hai

ya.anī us ne Thaan hī lī hai jaane kī
vo puurā sāmān uThā.e aatī hai

ḳhuun bahātī hai 'bāsit' kohsāroñ par
shaam añdherī raat chhupā.e aatī hai

dhup shajar ko git sunae aati hai
titli sare rang churae aati hai

un ashaar ka KHush hona to lazim hai
jin ashaar pe un ki rae aati hai

thoDi der mein train nikalne wali hai
sun thoDi hi der mein chae aati hai

is lamhe par lag jate hain ghar ko bhi
jab jab wo is samt sarae aati hai

yani us ne Than hi li hai jaane ki
wo pura saman uThae aati hai

KHun bahati hai 'basit' kohsaron par
sham andheri raat chhupae aati hai


Source: Rooh-e-Ghazal,Pachas Sala Intekhab

Leave a comment

+