husn kā ek aah ne chehrā niDhāl kar diyā
aaj to ai dil-e-hazīñ tū ne kamāl kar diyā
sahtā rahā jafā-e-dost kahtā rahā adā-e-dost
mere ḳhulūs ne mirā jiinā muhāl kar diyā
mai-kade meñ hai qaht-e-mai yā koī aur baat hai
pīr-e-muġhāñ ne kyuuñ mujhe jaam sambhāl kar diyā
jitne chaman-parast the sāya-e-gul meñ mast the
apnā urūj-e-gulistāñ nazr-e-zavāl kar diyā
ḳhud mirā soz-e-jāñ-gudāz chheḌ sakā na dil kā saaz
aap kī ik nigāh ne sāhab-e-hāl kar diyā
bazm meñ saare ahl-e-hosh un ke sitam pe the ḳhamosh
ek junūñ-parast ne uTh ke savāl kar diyā
lutf-e-firāq-e-yār ne lazzat-e-intizār ne
duur dil o nigāh se shauq-e-visāl kar diyā
sun ke bayān-e-mai-kadā dekh ke shān-e-mai-kadā
shaiḳh-e-haram ne bhī 'fanā' mai ko halāl kar diyā
husn ka ek aah ne chehra niDhaal kar diya
aaj to ai dil-e-hazin tu ne kamal kar diya
sahta raha jafa-e-dost kahta raha ada-e-dost
mere KHulus ne mera jina muhaal kar diya
mai-kade mein hai qaht-e-mai ya koi aur baat hai
pir-e-mughan ne kyun mujhe jam sambhaal kar diya
jitne chaman-parast the saya-e-gul mein mast the
apna uruj-e-gulistan nazr-e-zawal kar diya
KHud mera soz-e-jaan-gudaz chheD saka na dil ka saz
aap ki ek nigah ne sahab-e-haal kar diya
bazm mein sare ahl-e-hosh un ke sitam pe the KHamosh
ek junun-parast ne uTh ke sawal kar diya
lutf-e-firaq-e-yar ne lazzat-e-intizar ne
dur dil o nigah se shauq-e-visal kar diya
sun ke bayan-e-mai-kada dekh ke shan-e-mai-kada
shaiKH-e-haram ne bhi 'fana' mai ko halal kar diya
Source: Book : kulliyat-e-habib jaalib (Pg. 262)
Leave a comment