Subscribe to our newsletter and get our newest updates

Wajid Qureshi

  • Ghazal


jo nahin kiya ab tak be-hisab karna hai


jo nahīñ kiyā ab tak be-hisāb karnā hai
apne har ravayye se ijtināb karnā hai

ab to kaam aa.egī be-gumān saffākī
ḳhush-gavār phūloñ ko āftāb karnā hai

rañg apnī chhatrī kā dhuup ne miTā Daalā
sub.h hone se pahle phir ḳhizāb karnā hai

sarfarosh lahroñ kī sarfaroshiyāñ kab tak
sarfarosh lahroñ ko zer-e-āb karnā hai

rāste zehānat ke tājiroñ pe khulte haiñ
is sadī ke chehroñ ko be-naqāb karnā hai

jo nahin kiya ab tak be-hisab karna hai
apne har rawayye se ijtinab karna hai

ab to kaam aaegi be-guman saffaki
KHush-gawar phulon ko aaftab karna hai

rang apni chhatri ka dhup ne miTa Dala
subh hone se pahle phir KHizab karna hai

sarfarosh lahron ki sarfaroshiyan kab tak
sarfarosh lahron ko zer-e-ab karna hai

raste zehanat ke tajiron pe khulte hain
is sadi ke chehron ko be-naqab karna hai


Pachas Sala Intekhab"

Leave a comment

+