Subscribe to our newsletter and get our newest updates

Tahir Faraz

  • Ghazal


jis ne teri yaad mein sajde kiye the KHak par


jis ne terī yaad meñ sajde kiye the ḳhaak par
us ke qadmoñ ke nishāñ paa.e ga.e aflāk par

vāqi.a ye kun-fakāñ se bhī bahut pahle kā hai
ik bashar kā nuur thā qindīl meñ aflāk par

dostoñ kī mahfiloñ se duur ham hote ga.e
jaise jaise silvaTeñ paḌtī ga.iiñ poshāk par

maḳhmalī hoñToñ pe bosoñ kī namī Thahrī huī
saañs uljhī zulf bikhrī silvaTeñ poshāk par

pāniyoñ kī sāzishoñ ne jab bhañvar Daale 'farāz'
tabsira karte rahe sab Dūbte tairāk par

jis ne teri yaad mein sajde kiye the KHak par
us ke qadmon ke nishan pae gae aflak par

waqia ye kun-fakan se bhi bahut pahle ka hai
ek bashar ka nur tha qindil mein aflak par

doston ki mahfilon se dur hum hote gae
jaise jaise silwaTen paDti gain poshak par

maKHmali honTon pe boson ki nami Thahri hui
sans uljhi zulf bikhri silwaTen poshak par

paniyon ki sazishon ne jab bhanwar Dale 'faraaz'
tabsira karte rahe sab Dubte tairak par


Issue No. 5-6"

Leave a comment

+