Warning: session_start(): open(/tmp/sess_jjsg0d8gmdm7t0c5h297ruc5q3, O_RDWR) failed: No space left on device (28) in /razi/eraazi/darbari/chunmun/index.php on line 15
junun ka rang bhi ho shola-e-numu ka bhi ho

Subscribe to our newsletter and get our newest updates

Iftikhar Arif

  • Ghazal


junun ka rang bhi ho shola-e-numu ka bhi ho


junūñ kā rañg bhī ho shola-e-numū kā bhī ho
sukūt-e-shab meñ ik andāz guftugū kā bhī ho

maiñ jis ko apnī gavāhī meñ le ke aayā huuñ
ajab nahīñ ki vahī aadmī adū kā bhī ho

vo jis ke chāk-e-garebāñ pe tohmateñ haiñ bahut
usī ke haath meñ shāyad hunar rafū kā bhī ho

vo jis ke Dūbte hī naav Dagmagāne lagī
kise ḳhabar vahī taarā sitāra-jū kā bhī ho

subūt-e-mohkamī-e-jāñ thī jis kī burrish-nāz
usī kī teġh se rishta rag-e-gulū kā bhī ho

vafā ke baab meñ kār-e-suḳhan tamām huā
mirī zamīn pe ik ma.arka lahū kā bhī ho

junun ka rang bhi ho shola-e-numu ka bhi ho
sukut-e-shab mein ek andaz guftugu ka bhi ho

main jis ko apni gawahi mein le ke aaya hun
ajab nahin ki wahi aadmi adu ka bhi ho

wo jis ke chaak-e-gareban pe tohmaten hain bahut
usi ke hath mein shayad hunar rafu ka bhi ho

wo jis ke Dubte hi naw Dagmagane lagi
kise KHabar wahi tara sitara-ju ka bhi ho

subut-e-mohkami-e-jaan thi jis ki burrish-naz
usi ki tegh se rishta rag-e-gulu ka bhi ho

wafa ke bab mein kar-e-suKHan tamam hua
meri zamin pe ek marka lahu ka bhi ho


Source: Book : Adhoori Baat (Pg. 49) Author : Izhar Ahmad Nadeem Publication : Rehmania Foundation, Azad Nagar, Shaikh Mohalla, Siwan, Bihar (2009) Edition : 2009

Leave a comment

+