kyā phir zamīn dil kī namnāk ho rahī hai
ik bel aarzū kī pechāk ho rahī hai

yalġhār kar rahā hai ik raushnī kā lashkar
tārīkiyoñ kī chādar phir chaak ho rahī hai

us ko sikhā rahā hai ayyāriyāñ zamāna
duniyā bhī rafta rafta chālāk ho rahī hai

us ne banā diyā hai mātam-kada jahāñ ko
ḳhilqat fasurdagī kī ḳhūrāk ho rahī hai

us ke sabab se jiinā dushvār ho gayā hai
is baat kī mazammat kyā ḳhaak ho rahī hai

kya phir zamin dil ki namnak ho rahi hai
ek bel aarzu ki pechaak ho rahi hai

yalghaar kar raha hai ek raushni ka lashkar
tarikiyon ki chadar phir chaak ho rahi hai

us ko sikha raha hai ayyariyan zamana
duniya bhi rafta rafta chaalak ho rahi hai

us ne bana diya hai matam-kada jahan ko
KHilqat fasurdagi ki KHurak ho rahi hai

us ke sabab se jina dushwar ho gaya hai
is baat ki mazammat kya KHak ho rahi hai