fursat-e-āghī bhī dī lazzat-e-be-ḳhudī bhī dī
maut ke saath saath hī aap ne āgahī bhī dī

soz-e-darūñ atā kiyā jurat-e-āshiqī bhī dī
un kī nigāh-e-nāz ne ġham hī nahīñ ḳhushī bhī dī

us ne niyāz-o-nāz ke saare varaq ulaT diye
dast-e-ḳhalīl bhī diyā san.at-e-āzrī bhī dī

phir bhī mirī nigāh meñ donoñ jahāñ siyāh the
merī shab-e-firāq ko chāñd ne raushnī bhī dī

aap ne ik nigāh meñ sab ko nihāl kar diyā
phuul ko muskurāhaTeñ mauj ko bekalī bhī dī

chhīn lo mujh se dosto tāqat-e-arz-e-mudda.ā
us ne mizāj-e-yār ko dāvat-e-barhamī bhī dī

dām-e-ta.ayyunāt meñ diida o dil ulajh ga.e
soz-e-yaqīñ ke saath saath lazzat-e-kāfrī bhī dī

māhir'-e-dil-fagār par aap kī ye navāzisheñ
fitrat-e-āshiqī bhī dī daulat-e-shā.irī bhī dī

fursat-e-aghi bhi di lazzat-e-be-KHudi bhi di
maut ke sath sath hi aap ne aagahi bhi di

soz-e-darun ata kiya jurat-e-ashiqi bhi di
un ki nigah-e-naz ne gham hi nahin KHushi bhi di

us ne niyaz-o-naz ke sare waraq ulaT diye
dast-e-KHalil bhi diya sanat-e-azri bhi di

phir bhi meri nigah mein donon jahan siyah the
meri shab-e-firaq ko chand ne raushni bhi di

aap ne ek nigah mein sab ko nihaal kar diya
phul ko muskurahaTen mauj ko bekali bhi di

chhin lo mujh se dosto taqat-e-arz-e-muddaa
us ne mizaj-e-yar ko dawat-e-barhami bhi di

dam-e-tayyunat mein dida o dil ulajh gae
soz-e-yaqin ke sath sath lazzat-e-kafri bhi di

mahir'-e-dil-fagar par aap ki ye nawazishen
fitrat-e-ashiqi bhi di daulat-e-shairi bhi di

RECITATIONS Nomaan Shauque



00:00/00:00 fursat-e-aghi bhi di lazzat-e-be-KHudi bhi di Nomaan Shauque