Subscribe to our newsletter and get our newest updates

Kashfi Lucknavi

  • Ghazal


koi hamdard nahin koi bhi dam-saz nahin


koī hamdard nahīñ koī bhī dam-sāz nahīñ
ab to is bazm meñ merī koī āvāz nahīñ

naġhma kaisā ki laboñ par bhī hai ik mohar-e-sukūt
dil kī dhaḌkan ke sivā ab koī āvāz nahīñ

aur hī hotī hai ik sāz-e-shikasta kī sadā
soz-e-ġham jis meñ na ho dil kī vo āvāz nahīñ

mahv-e-parvāz hai us auj pe bhī merā ḳhayāl
jis bulandī pe farishtoñ kī tag-o-tāz nahīñ

ḳhaar ban jaanā hai har phuul mire hisse kā
bāġhbāñ ye mirī qismat kā to e.ajāz nahīñ

jab se badlā hai tirā tarz-e-sitam ai zālim
dil-e-bismil ke taḌapne kā vo andāz nahīñ

karvaTeñ lete haiñ naġhmāt-e-mohabbat is meñ
dil kī āvāz se behtar koī āvāz nahīñ

phir ga.ī milne se pahle vo nazar ai 'kashfī'
ye vo anjām hai jis kā koī āġhāz nahīñ

koi hamdard nahin koi bhi dam-saz nahin
ab to is bazm mein meri koi aawaz nahin

naghma kaisa ki labon par bhi hai ek mohar-e-sukut
dil ki dhaDkan ke siwa ab koi aawaz nahin

aur hi hoti hai ek saz-e-shikasta ki sada
soz-e-gham jis mein na ho dil ki wo aawaz nahin

mahw-e-parwaz hai us auj pe bhi mera KHayal
jis bulandi pe farishton ki tag-o-taz nahin

KHar ban jaana hai har phul mere hisse ka
baghban ye meri qismat ka to eajaz nahin

jab se badla hai tera tarz-e-sitam ai zalim
dil-e-bismil ke taDapne ka wo andaz nahin

karwaTen lete hain naghmat-e-mohabbat is mein
dil ki aawaz se behtar koi aawaz nahin

phir gai milne se pahle wo nazar ai 'kashfi'
ye wo anjam hai jis ka koi aaghaz nahin


Source: Book : Kashkol (Pg. 42) Author : Tahir Faraz Publication : Isteara Publications (2004) Edition : 2004

Leave a comment

+