Subscribe to our newsletter and get our newest updates

Kamal Jafari

  • Ghazal


dasht-e-gham se guzar raha hun main


dasht-e-ġham se guzar rahā huuñ maiñ
tīrgī meñ nikhar rahā huuñ maiñ

vaqt ne qadr kī nahīñ varna
vaqt kā ham-safar rahā huuñ maiñ

bikhrā bikhrā huuñ ek muddat se
rafta rafta sañvar rahā huuñ maiñ

ḳhud-numā.ī kī har bulandī se
ziina ziina utar rahā huuñ maiñ

shukr terā ki ai junūñ-e-safar
ḳhud se bhī be-ḳhabar rahā huuñ maiñ

naam merā 'kamāl' hai lekin
umr bhar be-asar rahā huuñ maiñ

dasht-e-gham se guzar raha hun main
tirgi mein nikhar raha hun main

waqt ne qadr ki nahin warna
waqt ka ham-safar raha hun main

bikhra bikhra hun ek muddat se
rafta rafta sanwar raha hun main

KHud-numai ki har bulandi se
zina zina utar raha hun main

shukr tera ki ai junun-e-safar
KHud se bhi be-KHabar raha hun main

nam mera 'kamal' hai lekin
umr bhar be-asar raha hun main


Source: Deewan-e-Basheerwebsite)

Leave a comment

+