Subscribe to our newsletter and get our newest updates

Ghayas Mateen

  • Ghazal


aankh ki putli mein suraj sar mein kuchh sauda uga


aañkh kī putlī meñ sūraj sar meñ kuchh saudā ugā
pāniyoñ meñ surḳh paude dhuup meñ saayā ugā

āsmāñ kī bhiiḌ meñ to is liye sochā gayā
is zamīñ kī chhātiyoñ se nuur kā chashma ugā

niiñd meñ chalne kī aadat ḳhvāb meñ likhne kā fan
ek jaisī baat hai to ātish-e-naġhma ugā

maiñ ne apnī donoñ āñkhoñ meñ ugaa.e haiñ pahāḌ
terī āñkhoñ meñ samundar thā vahāñ sahrā ugā

sabza-e-begāna ban kar jī liyā to kyā jiyā
ḳhud ko bo kar is zamīñ se ik nayā chehrā ugā

dhuup jaise qahqahe haiñ ret jaisī baat hai
tū agar ġhavvās hai to ret meñ dariyā ugā

ye zamīñ būḌhī hai us ko piiTh se apnī utaar
āsmāñ ko jeb meñ rakh le na.ī duniyā kā ugā

ham to ḳhud iz.hār haiñ apne zamāne kā 'matīn'
bujh ga.e āvāz ke sho.ale nayā lahja ugā

aankh ki putli mein suraj sar mein kuchh sauda uga
paniyon mein surKH paude dhup mein saya uga

aasman ki bhiD mein to is liye socha gaya
is zamin ki chhatiyon se nur ka chashma uga

nind mein chalne ki aadat KHwab mein likhne ka fan
ek jaisi baat hai to aatish-e-naghma uga

main ne apni donon aankhon mein ugae hain pahaD
teri aankhon mein samundar tha wahan sahra uga

sabza-e-begana ban kar ji liya to kya jiya
KHud ko bo kar is zamin se ek naya chehra uga

dhup jaise qahqahe hain ret jaisi baat hai
tu agar ghawwas hai to ret mein dariya uga

ye zamin buDhi hai us ko piTh se apni utar
aasman ko jeb mein rakh le nai duniya ka uga

hum to KHud izhaar hain apne zamane ka 'matin'
bujh gae aawaz ke shoale naya lahja uga


Source: Book : Is Basti ke ik Kooche Men (Pg. 160)

Leave a comment

+