agar is shahr kī aab o havā tabdīl ho jaa.e
to phir sab kuchh ba-juz nām-e-ḳhudā tabdīl ho jaa.e

mire hone ne duniyā meñ sabhī kuchh to badal Daalā
mujhe tū hī batā ab aur kyā tabdīl ho jaa.e

mujhe is kī ḳhabar tak bhī na hone paa.e aur ik din
safar ke darmiyāñ yuuñ rāsta tabdīl ho jaa.e

ajab ḳhvāhish hai sar se āsmāñ kā saaya uTh jaa.e
zamīñ āb-e-ravāñ meñ zer-e-pā tabdīl ho jaa.e

tilism-e-ḳhvāb se āñkheñ agar āzād ho jaa.eñ
to zinda rahne kā saarā maza tabdīl ho jaa.e

agar is shahr ki aab o hawa tabdil ho jae
to phir sab kuchh ba-juz nam-e-KHuda tabdil ho jae

mere hone ne duniya mein sabhi kuchh to badal Dala
mujhe tu hi bata ab aur kya tabdil ho jae

mujhe is ki KHabar tak bhi na hone pae aur ek din
safar ke darmiyan yun rasta tabdil ho jae

ajab KHwahish hai sar se aasman ka saya uTh jae
zamin aab-e-rawan mein zer-e-pa tabdil ho jae

tilism-e-KHwab se aankhen agar aazad ho jaen
to zinda rahne ka sara maza tabdil ho jae

Videos
This video is playing from YouTube Videos
This video is playing from YouTube Obaid Siddiqi RECITATIONS Obaid Siddiqi



00:00/00:00 agar is shahr ki aab o hawa tabdil ho jae Obaid Siddiqi

Source: Sulagti barf