Subscribe to our newsletter and get our newest updates

Wafa Naqvi

  • Ghazal


ye Thik hai wo hum ko mayassar nahin hua


ye Thiik hai vo ham ko mayassar nahīñ huā
lekin kahāñ kahāñ vo munavvar nahīñ huā

lauTā jo shaam ko to koī muntazir na thā
is baar be-qarār mirā ghar nahīñ huā

kyā jaane kab utarne lage vo dimāġh par
koī junūñ kā vaqt muqarrar nahīñ huā

sab jītne kī zid pe yahāñ hārne lage
sadiyoñ se koī shaḳhs sikandar nahīñ huā

baazū to kaT ke juḌ ga.e merī hayāt se
lekin abhī nasīb mujhe sar nahīñ huā

phal toḌ letā aaj maiñ apnī hayāt kā
achchhā huā ki haath meñ patthar nahīñ huā

sahrā se lākhoñ baar nichoḌī ga.ī hai pyaas
phir bhī samundaroñ kā galā tar nahīñ huā

ye Thik hai wo hum ko mayassar nahin hua
lekin kahan kahan wo munawwar nahin hua

lauTa jo sham ko to koi muntazir na tha
is bar be-qarar mera ghar nahin hua

kya jaane kab utarne lage wo dimagh par
koi junun ka waqt muqarrar nahin hua

sab jitne ki zid pe yahan haarne lage
sadiyon se koi shaKHs sikandar nahin hua

bazu to kaT ke juD gae meri hayat se
lekin abhi nasib mujhe sar nahin hua

phal toD leta aaj main apni hayat ka
achchha hua ki hath mein patthar nahin hua

sahra se lakhon bar nichoDi gai hai pyas
phir bhi samundaron ka gala tar nahin hua


Source: Deewan-e-Waleeullah Muhib

Leave a comment

+